Ilahi teri chokhat per bhikari ban kay aaya hoon

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.
Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.
Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.
Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,

Mohabbatein

Mohabbat ki bhi jaati hai
Mohabbat ho bhi jaati hai
Kisi ki Sokhta kashti
Bhanwar mein kho bhi jaati hai

Magar yeh ek Haqeeqat hai
Mohabbat bas Mohabbat hai
Mohabbat ek Riyaazat hai
Mohabbat ek Ibaadat hai
Mohabbat jhuk naheen sakti
Yeh ek aisi Baghaawat hai

Yeh Sooni rahguzaroon par
Kabhi paiham chalti rahti hi
Diloon meij dard ki soorat
Hamesha palti rahti hai
Naheen kuch bhi jahaan mein jo
Mohabbat kar naheen sakti
Visl ho ya Gham e Hijraan
Mohabbat mar naheen sakti

Mohabbat re-gazaroon ko bhi Zauq e Zindagi de de
Mohabbat khaaksaaroon ke urooj e bandagi de de
ayaan kar de haqeeqat chaand taroon ki zamaane pe
andhere mein ummeedon ki bhadakti roshni de de

Mohabbat hi Gulaaboon mein
Mohabbat hi kitaaboon mein
Mohabbat thal ki retoon par
Mohabbat hi chanaaboon mein
Kabhi yeh Najad mein raqsaa
kabhi waris ke khwaboon mein

Kabhi phooloon se rastoon par kabhi dariya ki masti mein
Kabhi basti mein tanhaayi, kabhi tanhaayi hasti mein
Kabhi Soqraat ki soorat kabhi Sarmad ke naare bhi
Kabhi deewaar mein madfan kabhi Jamna kinaare bhi
Kabhi seezar, klopatra ke pur hangam fasaanoon mein
Kabhi shaayar ki Nazmoon mein kabhi mausam ki taanoon mein

Mohabbat Zindagaani hai
Mohabbat javidani hai
Naheen hai Ant hi Jis ka
Yek ek Aisi kahaani hai
Yeh jazboon ki ravaani hai
Samay ki Shadmaani hai
Jahaan ka har haseen Jazba
Isi ki Maherbaani hai

To phir makhmoor ankhoon se payaam e Zindagi de do
Meri sadiyoon ki Zulmat ko tum apni roshni de do

Gulaaboon ka yeh mausam hai
Gulaaboon ko hansi de do
naheen kal ki Khabar koyi
Yeh mausam aaye na aaye
Yeh baadal barsein na barsein
Yeh rim jhim chaaye na chaye
Zara haathoon mei de kar haath
Inko ham safar kar lein
Yeh lamhe beet na jaayein
Inhe aao amar kar lein

Kaifi Aazmi

Na jee bhar ke dekhaa na kuch baat ki,
Badi aarzoo thi mulaqaat ki,


Kayi saal se kuch Khabar hi nahin,
kahaan din guzaaraa kahaan raat di,


Main chup tha tou chalti hawa ruk gayi,
Zubaan sab samajhte hain jazbaat ki,


Sitaaron ko shaayad khabar hi nahin,
Musaafir ne jaane kahaan raat ki...

sunheri shaam

gulaabi iadoom ke mausam mein, Shaher e khamooshaan ki veeraniyoon mein, dhalte sooraj ki naaranji shuaayein, zard patton ke rukhsaar par, Jawaan shaakoon ki hiddat ki manind, kitni shokhiyaan bikherti hai......kitni aashiftagi bikherti hai.....

Yeh naranji shuayein, jab aankhoon mein chamke to kya khwaab dikhaaye..... jab palkoon pe utre to kya manzar dikhaye...... jab chehre pe damke to kya muskaan jaagaye...... Jab panchi ko chu le to kya geet sunaaye.... Jab hontoon ko chu le to muskaan jagaaye..... Jab baadal pe nikhre to kya rang dikhaaye, jab nadiya pe taire to taroon si chamke...... Samundar pe

Barse to sone Sa damke.....phooloon ko chume to Mann mera moh le.....aur aasmaan pe phaile to shafaq khlahlaaye........

Published with Blogger-droid v2.0.2

Neem ki shaakh par koyal ko chahakt dekha

Neem ki shaakh par koyal ko chahakta dekha
Teri tasveer ko dil mein ubharta dekha

Phir vahi mein vahi choraha vahi benaam sukoot
Phir se ehsaas ke sholon ko sulagta dekha

Tishnagi in labon pe taari hai
Teera mahaul mein shammon ko sisakta dekha

Ashkbaar Ankhon se dariya ko umadta dekha
sehra sehra aag ke dariya ko dahekta dekha

Danish yehi toh tere chahekne ka waqt tha
rah-e-maktal sar-e-kham aashiq ko guzarta dekha

Aaj main ne ek dil ko dhadakta dekha

Aaj main ne ek dil ko dhadakta dekha
Kya bateyein Manzar kya lahekta dekha

Aalam e Rang w Bu ko mahekta dekha
Har ek Guncha w Gul ko chahekta dekha

Logoon ne Meri aankho ko Chamakta dekha
Khayaal e Aaresh e Mehfil se Damakta dekha

Jaise Parvaane ko Shamma pe lapakta dekha
Chehre pe khusi ko yoon bahekta dekha

Main ne bhi tasavvur mein na kya kya dekha
Khud ko tujh par jaan nisaar karta dekha

Mehfil Zeest mein Sitara sa Ubharta Dekha
Aur Intezaar ke Sooraj ko Dhalakta dekha

Dil w jaan ko Saraapa e Shukr banta Dekha
Aur Jism w Rooh ko Sar Ba Sajda dekha

Aur phir tere liye dil ko dhadakta dekha
Aaj main ne ek dil ko dhadakta dekha

Ghazab ka hai din......

Ghazab ka hai din...... Dekho Zara......

Yeh shaam mastaani.......

Champayi raat ka intezaar Jo tha.......

Tere kahe mein na aaya ajab saal aaya......

Sabhi kuch hai tera diya hua Sabhi rahatein Sabhi kulfatein

Fabi ayyi aalayi rabbiku ma tukazzibaan.

Published with Blogger-droid v2.0.2