مکیں کے جلوے مکاں سے پہل

پیشِ خدمت ہے خاکسار کا انتخاب، بہار اور خزاں کے حقیقت آشنا قلوب کے لئے بطور خاص۔۔۔۔۔،

لطیف پردوں سے تھے نمایاں مکیں کے جلوے مکاں سے پہلے 

محبت آئینہ ہو چکی تھی وجود بزم جہاں سے پہلے 

نہ وہ مرے دل سے با خبر تھے نہ ان کو احساس آرزو تھا 

مگر نظام وفا تھا قائم کشود راز نہاں سے پہلے 

ہر ایک عنوان درد فرقت ہے ابتدا شرح مدعا کی 

کوئی بتائے کہ یہ فسانہ سنائیں ان کو کہاں سے پہلے 

مسرتیں رازدار غم تھیں مسرتوں میں الم تھا پنہاں 

جبھی تو صحن چمن میں شاید بہار آئی خزاں سے پہلے 

سمجھ رہا تھا کہ نا امیدی نہ پردہ دار امید ہوگی 

نظر اٹھا کر جو میں نے دیکھا غبار تھا کارواں سے پہلے 

اٹھا جو مینا بدست ساقی رہی نہ کچھ تاب ضبط باقی 

تمام مے کش پکار اٹھے یہاں سے پہلے یہاں سے پہلے 

قسم فریب نگاہ و دل کی ہمیں تو اس جستجو نے کھویا 

وہیں تھی دراصل اپنی منزل قدم اٹھے تھے جہاں سے پہلے 

ازل سے شاید لکھے ہوئے تھے شکیلؔ قسمت میں جور پیہم 

کھلی جو آنکھیں اس انجمن میں نظر ملی آسماں سے پہلے

کلامِ شکیل بدایونی 

پیشکش ذکی انور ہمدانی 

عید کا عالم

 عید کا چاند نظر آنے کی خبر سن کر خاکسار کے جذبات و خیالات جنبشِ قلم سے کاغذ کے سینے پر منتقل ہو گئے.... امید ہے کہ پسند آئیں گے..... 

لو چاند نظر آیا مژدہ وہ سنا لایا

کل عید کا عالم ہے مہتاب کا ہو عالم

ملبوس نئے ہر سو، ملبوس جواں کل سب

سنجاب کی رنگ پاشی کمخواب کا ہو عالم

خوشبو کے جزیروں سے نکلیں گے خزینوں سنگ

ہر راہ یہ مہکائیں احباب کا ہو عالم

عیدی کا ہو منظر یہ، ہر بچہ ہوے شامل

کچھ شوخ تبسم ہو ایجاب کا ہو عالم

معصوم فرشتوں کی آنکھوں کی چمک دیکھیں 

نیلم و زمرد کی سی تاب کا ہو عالم

پھر شرم کے رنگوں میں کچھ شوخ کی آمیزش

یوں ماہ جبینوں کے آداب کا ہو عالم

پھر عید میں ہوں شامل، کچھ شام کے نغمے بھی

اس وقت سبھی وجداں، خوش آب کا ہو عالم 

جب شام کے شانوں پر، بکھریں گی سیاہ زلفیں

تب نور کا ہو عالم، مہتاب کا ہو عالم 

سیماب صفت قلبم، سیماب سدا مضطر

پر عید جو آجائے اک خواب کا ہو عالم

کلامِ ذکی انور ہمدانی

مورخہ 23 مئی 2020 

تمام احباب کو عید الفطر کی مبارکباد، خاکسار کو دعاؤں میں یاد رکھیں...

بہارانِ خزاں

خزاں رسیدگی جس قلب کی متاع قرار پائے وہ آمدِ خزاں پر افسردہ نہیں آسودہ پھرا کرتا ہے...

وہ برگِ شجر، شادابی جس کی وقتِ بہاراں نازِ بوستاں ہوا کرتی تھی، وہ آمدِ خزاں کے لمحات میں زرد روشنائی سے ہجر کے فسانے رقم کر رہا ہوتا ہے....

ان فسانوں میں زرد برگ کی آوارگیوں کو سرد ہواؤں کی اٹھکھیلیاں جِلا بخشتی ہیں اور ان دونوں کو ہم رقص ہونے کا اعزاز حاصل ہوتا ہے ....

اور یوں ہجر کی داستانوں میں جہاں قربتوں کے مخفی فسانے شامل ہو جاتے ہیں وہیں خزاں کی داستانوں میں سرد ہواؤں کے رقص....

ہجر کے فسانے تکمیلِ برگِ زرد کے امین ہوتے ہیں.... جفاؤں کے رفاقت آشناؤں کو ازنِ وفا سے واسطہ پڑتا ہے....

شبِ فراقِ اول میں نکہتِ خزاں کی اٹھکھیلیاں برگِ زرد کو چمن کے سبز جواں سینے پر کروٹیں بدلنا اور ماہِ تمام کی میٹھی حدّتیں سلگنا سکھلاتی ہیں....

اور اس وصالِ شبِ فراق کی رازداں، ایک دُرِّ شبنم جو اپنے یارِ ازل، شعاعِ آفتاب کو آواز دیتی ہے کہ یہ برگِ زرد کیسا تڑپتا سلگتا ہے مگر دمکتا ہے....

اور یہ شعاعِ فتب، صبح کے پہلے سفر پر، مسکراتی ہے مگر کتنی تھکی تھکی سی معلوم ہوتی ہے.... زندگی کے بوجھل کچھ لمحوں کی طرح...

وہ لمحاتِ زیست جو یاد کے جزیروں میں پنہاں ہیں.... اور ماضی کی کسی دریچے سے جھلملاتے ہیں.... لمحات جو زرد بھی تھے اور سنہری بھی، ان لمحات کے رنگ اس برگِ زرد کے رنگوں سے نامانوس نہیں ہوتے...

اور نا ہی ان لمحات کی خوشبو غیر مانوس... خوشبو.... کچھ بوسیدہ کتب کے اوراق کی مانند.... کتنی حیات افزا اور کس قدر سحر انگیز....

وہ خوشبوئیں جو روح کے تلاطم کو سکون کے جزیرے کی سیر کراتی ہیں....

روح کے سکون کے وجدان کا یہ عالم اور حسنِ سماعت کے خزینے کا جب اس وجدان سے یارا ہو تو سرد ہواؤں میں رقصاں موسیقی اور نغمگی روح کے سکون کے لمحوں سے کتنی ہم آہنگ ہوتی ہیں....

اس خزاں کا ہر لمحہ ،ہر اک لمحوں میں مخفی فسانے، فسانوں میں مسکراتی رقص کی داستانیں ، اور وجدانیت کے وہ نغمے... یہ سب پوشیدہ ہیں خزاں کے ایک برگِ زرد کی راہِ ہجر میں.... خزاں کے یہ خزینے صد ہزار بہاراں کو شرماتے ہیں....خزینے جو عیاں ہوتے ہیں صرف انہی قلوب پر کہ خزاں رسیدگی جن قلوب کی متاع قرار پائی ہو....

بقلم ذکی انور ہمدانی
میلبورن، مارچ 2019

مِری زندگی ہے ظالم ،تِرے غم سے آشکارا

پیشِ خدمت ہے خاکسار کا انتخاب، تلاطمِ زندگی کی لہروں سے لطف اندوز ہوتے ہوئے دیوانوں کے لئے بطور خاص،

مِری زندگی ہے ظالم ،تِرے غم سے آشکارا
تِرا غم ہے دَر حقیقت مُجھے زندگی سے پیارا

وہ اگر بُرا نا مانیں تو جہانِ رنگ و بُو میں
میں سکونِ دل کی خاطر کوئی ڈھونڈ لوں سہارا

مُجھے آ گیا یَقیں سا کہ یہی ہے میری منزل
سرِ راہ جب کسی نے مُجھے دفعتاً پُکارا

میں بتاؤں فرق ناصح جوہے مُجھ میں اور تُجھ میں
مِری زندگی تلاطم ، تِری زندگی کنارا

مُجھے گفتگو سے بڑھ کر غمِ اذنِ گفتگو ہے
وُہی بات پُوچھتے ہیں جو نہ کہہ سکوں دوبارا

کوئی اے شکیل دیکھے یہ جنون نہیں تو کیا ہے
کہ اُسی کے ہو گئے ہم جو نہ ہو سکا ہمارا

کلامِ شکیل بدایونی
پیشکش ذکی انور ہمدانی

پھر سے احساس کے شعلوں کو سلگتا دیکھا

پھر سے احساس کے شعلوں کو سلگتا دیکھا.....
پھر سے احساس کے شعلوں کو سلگتا دیکھا.....

زندگی کا ایک ہی مقصد معلوم ہوتا ہے.....
زندگی کی قید میں پھڑکتے دیوانوں کو نیا سبق سکھانا.....

ایک وقت تھا کہ قہقہے یاسیت پر لگتے تھے...
اور اب قہقہوں کی سسکیاں نکالنے لگی ہے یہ زندگی.....

خیر..... زندگی کا ہر نیا سبق زندگی میں ایک نیا باب رقم کرتا ہے...
ہر ایک باب سے پہلی کی زندگی اور بعد کیوں زندگی میں کتنا فرق ہے....

سبھی کچھ ہے تیرا دیا ہوا سبھی راحتیں سبھی کلفتیں

Khatab ba Jawanan e Islam

7310 and Counting....

Four years back, on 24th Jan 2009, I said no to plastic carry bag, When I reached home with milk packets in my hand, my wife asked if the milk vendor was out of carry bags.

I said that I said no to carry bags to avoid pollution. She smiled and asked if one bag can really make a difference...

So I started counting, how many times I said no, a month later, I relaized it is a bit difficult to keep counting, but realized that the average count was five a day.

Today after 4 years, precisely, 1462 days later, I am sure I have said no to at least 7310 plastic carry bags !!!

I guess that made a difference :-)